Қыздар қауымына гүл лақтырып, қайынене мен қайын атаға торт асатып немесе келіннің аяқ-киімін ұрлап, оған ақы сұрап қазақтың үйлену тойлары өтіп жатыр.. Бұл көріністер бізге голливуд фильмдерінен таныс.
Қазақтың үйлену тойы, яғни неке қию рәсімі, ежелден келе жатқан, соңғы уақыттары ұмыт болған, көптеген мағынасы терең салт-дәстүр, ырым-үрдістерге мол:
Қызды қайын жұртқа жіберер алдында сәукелені әкесі кигізеді. Сәукеле той салтанатының сәнді белгісі, бұл бас киімнің басты нышаны- рудың намысы, туған елдің рухын сақтайтын қасиеті, шаңырақтың шырқау шабыты. Оның осынша биік болуы да сондықтан.
Келін табалдырықты аттамай тұрып, екі алаудың ортасымен өтіп барып, босағадан өту керек. Қой терісінің үстінде үлкендерге сәлем ету ежелгі дәстүр. Келіннің аяғының астына жарғақ төсеу арқылы, үрім-бұтақты бол дегенді білдіреді. Бір клиптен үйлену той үстінде, босағада төселген түлкі не бөрі терісін көріп таң қалдым. Ізденсем, ырым-сырымдар одан да көп екен.
Осы деректі фильмді түгел қарағым келеді. Бар болса бөліссеңіздер еді.
Like this:
Filed under: Kazakhstan
!!!
Қазір бойдақ қыздарды шыңғыртып гүл лақтыру, торт кесіп, оны ата-аузына тыққыштау дегендер атымен жоғалды, оған да тәубе! Керісінше ұлттық стилде өткен тойлар көп көңілінен шығуда.
Онысы жақсы бопты, әйтпесе әлгі торт асату ерсі көрінеді..
ой сонысы маған да ұнамайды. Гүл лақтырғаны ол бар, оой әйтеуір басқадай нәрселер жасаса екен
бул фильмдегі беташар корінісі дурыс емес,келннің бетін ашканда келінін екі жагынан екі абысыны устайды,келін иіліп салем еткенде оларда бірге салем етіп турады,келіннің беті орамалмен жабылады,алдынан шымылдык усталады,астына тері тосейді,т/б
Негізі, аяқ киімді тығып, оған ақы сұрау қазақта да бар салт. Бірақ келіннің емес, құдалық кезінде (қайынжұртына араласа келгенде) күйеудің аяқ киімін тығады. Шарты бойынша, оны балдыздары тығып қойып, кейіннен жездесінен ақы сұрап жатады.
Маған бірақ бәрінен де жездесінің қалтасын қарайтын салт қатты ұнайды. Құдайға шүкір, апаларым баршылық, жездемнің қалтасына сала келген опа-далаптары мен айна-тарағына қарық болдым.